Предыдущая публикация
Сёння, ў Свеце адзначаецца Дзень Роднай мовы.
Адзначым яго кнiгай Уладзiмiра Емельянчыка - "Паланез для касiнераў", адной з не шматлiкiх выданняў тэматыкi паўстання 1794 года, пад кiраўнiцтвам Т. Касцюшкi.
Кнiга на такую тэматыку, ды яшчэ на беларускай мове, магла выйсцi ў свет толькi ў першыя гады незалежнасцi краiны. Вось i згаданы твор выдадзены ў 1994 годзе, выдаведцтвам "Беларусь" Мiнск, накладам 10 тыс.экз.
Уладзiмiр Пятровiч Емельянчык (09.05.1955 - 05.06.2003), нарадзiўся ў в.Вялiкiя Лукi, Баранавiчскага раёна. Гiсторык, кандыдат гiстарычных навук (1988г.). Тэматыка вывучэння: палiтычная i ваенная гiсторыя Беларусi, адносiны Беларусi i Польшчы з Расеяй.
Месцы працы: Мiнскi iнстытут культуры; Iнстытут гiсторыi НАН Беларусi (1991-1994); Беларускi дзяржаўны унiверсiтэт (гiстарычны факультэт, дацэнт кафедры гiсторыi Беларусi старажэтнага часа i сярэднявечча). Адзiн з аўтараў "Нарысаў гiсторыi Беларусi" (ч.1, 1994) i "Гiсторыi Беларусi" (т.3, 2004).
Яго першае выданне на тэму Касцюшкi мы ўжо згадвалi - "Нарадзiўся я лiцвiнам..."(1994г, у сааўтарстве з Я.Юхо). Акрамя гэтага: "Дыверсiйныя рэйды ў паўстаннi 1794 года на Беларусi (Весцi АН Беларусi1994-2); "Да пытання аб паходжаннi Ратомскiх - продкаў Тадэвуша Касцюшкi па мацi" (Беларусь i Тадэвуш Касцюшка: спадчына, час, здабыткi. Мiнск 2002).
Нажаль, пасля яго выданняў была толькi вялiкая даследчая праца Леанiда Несцярчука... Гэта было аж у 2004 годзе...
Дарэчы спампаваць можна ў электронным выглядзе на сайце "Беларуская палiчка". https://knihi.com/Uladzimir_Jemialjancyk/Palanez_dla_kasinierau.html #костюшко #касцюшка #тадеушкостюшко #тадэвушкасцюшка #тадэвуш #kosciuszko #kosciuzko #tadeuszkościuszko #tadeuszkosciuszko #kostyushko
Следующая публикация
Нет комментариев