29 траўня – чацвёртая гадавіна затрымання Сяргея Ціханоўскага. Чатыры гады – гэта 1461 дзень незаконнага зняволення. Апошнія 429 з іх Сяргей знаходзіцца ў рэжыме інкамунікада: без адваката, без перадач, без лістоў. Усё, што сёння вядома пра Сяргея, – яго месцазнаходжанне: турма ў Жодзіна.
Фонд «Краіна для жыцця» запусціў акцыю – #1461письмосергею.
У чым яе сутнасць?
⚪️ Фонд заклікае беларусаў і беларусак замежжа напісаць Сяргею ліст салідарнасці. Перад адпраўкай яго трэба выслаць у Банк лістоў. Калі Сяргей выйдзе на волю, ён абавязкова прачытае ўсе лісты і ўбачыць падтрымку беларусаў і беларусак.
🔴 Нягледзячы на рэжым інкамунікада, лісты даходзяць да месцаў зняволення, а значыць, ёсць верагоднасць, што іх прачытаюць цэнзары. Гэта – магчымасць паказаць рэжыму, што нас шмат і мы памятаем пра палітвязняў.
📍 Адрас для лістоў:
Следчая турма №8, 222163, г. Жодзіна, вул. Савецкая 22а
Сяргей Леанідавіч Ціханоўскі
❗️Калі вы турбуецеся за сваю бяспеку, ліст можна напісаць без указання асабістых дадзеных.«Краіна для жыцця» заклікае пісаць лісты, калі гэта бяспечна: беларусам і беларускам замежжа, а таксама ўсіх ахвотных, незалежна ад месца жыхарства.
Напісаць ліст – самае простае і хуткае, што можа зрабіць, каб падтрымаць палітвязняў. Для гэтага не трэба шмат часу і асаблівых умоваў. Праз ініцыятывы Dissidentby, Politzek.me , «Майстэрня паштовак салідарнасці» напісаць ліст зойме некалькі хвілін. Далучайцеся!
Присоединяйтесь к ОК, чтобы подписаться на группу и комментировать публикации.
Комментарии 3