Սկզբում նվիրումն առանց խնայելու է , առանց վերապահումների , առանց մութ ու լույս ճանաչելու , առանց հոգնության ու տագնապի զգացման , առանց արգելքների հաղթահարման խոչընդոտներ տեսնելու ։ Հետո մեծանում են , դրսևորում կամային հատկանիշեր , ստեղծում միջակայք ։ Դու կարող ես լինել միջակայքում վստահության ներշնչման աղբյուր, անճշտությունների աննկատ շտկման միջնորդ ։ Կարող ես նաև լինել ստեղծված իրավիճակի բարդացման , պառակտման ու պահանջատիրական դիրքերում ։
Քրոջորդիների դեպքում անթաքույց ու անվերապահորեն իմ տարբերակն առաջինն է , անկախ գտնվելու վայրից ու շրջակա միջավայրից : )
Յուրաքանչյուր ժողովուրդ, լինի 3 միլիոնանոց, թե 300 միլիոնանոց, միշտ իր միջից կարող է հանել այնքան մարդ, որոնք կարող են երկիրը պահպանել։
(Վ. Սարգսյան )
Երկիրը պահած ու պահպանած , փայփայած , յուրաքանչյուր զինվորի շնչով պահված բանակ շնորհավոր ...
ՀԱՅԱՍՏԱՆ
Դու իմ հետադարձ հասցեն ես միակ
Եվ իմ եզակի ճակատագիրը,
Իմ բաց երգերը, իմ վերքերը փակ,
Իմ հիշատակաց միակ Երկիրը…
Անկրկնակոշիկ Համապատմության
Սայթաքումները մեզ աղավաղել
Եվ թաց երգերս փակ վերքերիս մեջ
Սատանայաբար փորձել են թաղել։
Որպեսզի դառնամ թափառող ծրար՝
Չունենամ նույնիսկ հետադարձ հասցե,
Բայց մենք վերստին փարվել ենք իրար
Ու հուսաբանել՝ Տեր մի արասցե…
Դու իմ հետադարձ հասցեն ես միակ,
Իմ անկրկնելի ճակատագիրը,
Իմ բաց երգերը, իմ վերքերը փակ,
Իմ հիշատակաց միակ Երկիրը:
Հրաչյա Սարուխան
Վերադարձի գրկում
Փոշոտ քայլեր են կանգ առել շեմիս,
Փոշու մեջ ընկած արցունքը հույսի,
Ջինջ վկայումն էր աչքերիս սառած`
Նրա ճամփեքը վերադարձների...
Բացվող դռանը կարոտն է հենվել,
Ու տուն է լցվում զարկերը սրտի,
Ձեռքիս նկարից հառնում է հենց նա.
Գրկելուց քաղցր գրկումն է էլի...
Հայրենի հողը եղունգների մեջ,
Նույն այդ մատներով գրկած կենտ ծաղիկ,
Հոգուս է հենվել առյուծն իմ արյան`
Հաղթած հուշումով վերադարձների...
Ճռում է դուռս կտրված ձայնով,
Իրեն զարկում է շրջանակներին,
Որպես խնդրագիր, որ ինձնից չառնեն
Քաղցր գրկումն այս վերադարձների...
Քրիստինե-Աննա Խլղաթյան
Kristine-Anna Khlghatyan
#Վերադառնալու_Եք#ՀԱՂԹԵԼՈՒ_ենք#ԼինելուԵնք#ԶինվորնԻմԱրյուննԷ