Мы далучыліся да Ночы музеяў!
22 мая ў 19:00 пакажам фрагмент спектакля «Палёты ўдваіх» у музеі Максіма Багдановіча.
Падрабязней пра спектакль у каруселі
А поўную версію «Палётаў...» можна паглядзець крыху раней, 20 мая а 19-й, у нашым тэатры.
Да сустрэчы!
Спасылка на квіткі ў ТЮГ: http://beltuz.by/by/schedule/3994/schedule/tickets
Увага! Змены ў раскладзе!
21 мая ў 18:00 у сувязі з хваробай артыстаў замест спектакля «З нагоды мёртвых душ» адбудзецца спектакль «Беларускія вадэвілі».
18 сакавіка ў 18.00 запрашаем паглядзець спектакль «Я бачу сонца» – кранальную меладраму на дзве дзеі. Рэжысёр-пастаноўшчык: Дзмітрый Хвцісіяшвілі (Грузія).
З інтэрв'ю Дзмітрыя газеце «Культура»:
— “Я бачу сонца” мае досыць багатую тэатральную біяграфію, існуе адпаведны фільм, аўдыёзапісы. У чым сакрэт папулярнасці?
— Так, першая версія інсцэніроўкі была створана самім Надарам Думбадзэ ў суаўтарстве з вялікім грузінскім рэжысёрам Гігам Лордкіпанідзэ ў 1962 годзе для тбіліскага тэатра імя Катэ Марджанішвілі і з таго часу шмат дзе ставілася. Гэты твор такі запатрабаваны, бо распавядае не толькі пра ваеннае ліхалецце. У ім шмат разваг пра агульначалавечыя каштоўнасці: каханне, шчырасць, клопа
«Сны аб Беларусі» – паэтычная містэрыя, дзе сучаснікі намагаюцца ўжыцца ў вобразы сваіх папярэднікаў, вызначыць іх як «беларусаў на ўзроўні падсвядомасці».
Праявы і вобразы выступаюць са сцэнічнай цемры, як з мінуўшчыны, а кампазіцыя твору нагадвае Купалаўскую мадэль нацыянальнай гісторыі – «… мае незавершаны, цыклічны характар, напоўнена супярэчлівасцю і трагедыйнасцю… ».
Ідэя і пастаноўка Уладзіміра Савіцкага
Прэм'ера 30 кастрычніка 2020, 18.00
У нашым тэатры стартуе новы праект – «Сустрэчы з класікамі і сучаснікамі»!
14 кастрычніка (серада) у 19:00 рыхтуецца да першага паказу на вялікай сцэне першы спектакль-чытанне камернага фармату «Сны аб Беларусі» Янкі Купалы. Ідэя і пастаноўка Уладзіміра Савіцкага.
«Сустрэчы з класікамі і сучаснікамі» – гэта сустрэчы-знаёмствы з беларускімі паэтамі, якія рэалізуюцца ў межах «Цэнтра творчых праектаў» ТЮГа. Сучаснікі прыйдуць да нас самі, творы класікаў увасобяць нашы артысты. Галоўная роля на гэтых сустрэчах належыць жывому мастацкаму слову, яно вызначае форму і змест прадстаўлення, ягоную прастору і дзеянне.
Дзеянне гранічна сціснутае. Сэнс – шматзначны.
"З нагоды мёртвых душ" вяртаецца на сцэну ўжо 2 кастрычніка ў 19.00!
Па просьбах гледачоў мы вырашылі зрабіць дадатковы паказ. Прыходзьце з сябрамі, бярыце з сабой бацькоў, сясцёр і братоў, запрашайце суседзяў і аднагрупнікаў.
Паглядзім любімы спектакль разам. #желедлябабусь#знагодымёртвыхдуш
Калі вы ўжо паглядзелі спектакль і ў вас ёсць што сказаць, падзяліцеся з намі сваімі ўражаннямі ў сацыяльных сетках, Google ці Yandex.
Квіткі на спасылцы:
https://bit.ly/3i7hHKh