Дөрес койма

Күпләр койманы үз ягына каратып тота. Металл каркас күршегә күренеп кала. Әмма бу дөрес түгел, койманы күршеләргә йөз белән каратып тотарга кирәк. Төп сәбәбе — куркынычсызлык. Металл каркаска басып, бакчага керү авыр түгел. Бу киңәш тыкрык буенда яшәүчеләргә аеруча кагыла. Койма буен чәчәкләр, декоратив куаклар утыртып бизи аласыз.

Язын күчерергә ярыймы?

Язын чәчәк ата торган чәчәкләрне көздән бүлеп, күчереп калдырырга кирәк. Җәй уртасында һәм көзгә таба гына чәчәк атучыларны язын тәртипкә китерәбез. Мәсәлән, флокс, канәфер, дицентра, эхинацея, хризантема, гелениум, лилейник, күпьеллык кашкарый, пиретрумны язын күчерә аласыз.
Чалмачәчәк һәм ирис җәйнең беренче яртысында чәчәк ата, шуңа аларга язын тимәскә кирәк, юкса быел чәчәк ата алмаячаклар.

Төрле киңәшләр

• Колбаса, сырны фольгага төреп, суыткычка куйсагыз, яхшырак сакланачак.
• Хөрмә катырак булса, банан белән бер пакетка салып торыгыз. Ул болай тизрәк өлгерә, тәмләнә.
• Яшел тәмләткечләрне дымлы тастымалга төреп, суыткычка куйсагыз, озаграк шиңми торырлар.
• Карт тавык тизрәк пешсен өчен, 20-30 минут шулпада кайнаткач, 5-6 минут салкын суга салып алырга кирәк.

Конверт ясыйбыз

Туй, бәйрәмнәргә барганда конвертның гел кирәге чыга. Аны үзеңә дә ясарга була. Моның өчен А4 зурлыгындагы кәгазь һәм җилем кирәк.
А4 зурлыгындагы кәгазьне горизонталь куярга. Уң һәм сул яктан рәсемдәгечә 7,2 см улчәп сызарга һәм кисәргә. Килеп чыккан ромбны горизонталь куярга, яндагы өчпочмакларны бөкләп, конверт ясарга. Яннарын ябыштырырга. Конвертны бизәргә дә була.

Ясмин гөле

Ясмин гөле (жасмин) үстергән кешеләр стресс, күңел төшенкелегенә бирешми. Ясмин чәчәге исе тынычландыра, йокыга китәргә булыша.

Туңдырылган лимон

Берничә лимонны юарга, йогышсызландыру өчен бер минутка алма серкәсенә салып алырга һәм төнгә туңдыргычка куярга.
Иртән лимонны кабыгы белән угычтан уарга. Массаны боз савытына бүлеп, кабат туңдыргычка куярга. Лимонлы шакмаклар чәйгә салу өчен яхшы, аны болаи ашарга да була. Ул салкын тигәннән файдалы, шикәр, холестеринны киметә.

Ике минутта иртәнге аш

3 йомырканы 2 аш кашыгы сөт кушып, чәнечке белән тугларга, тәменчә тоз, борыч сибәргә. Теләк буенча вак итеп туралган колбаса, помидор, яшел суган өсти аласыз.
Чынаякны атланмай белән майларга һәм массаны салып, 2-3 минутка микродулкынлы мичкә куярга кирәк. Тәмле иртәнге аш әзер.

Чебигә яктылык кирәк

Чебиләргә беренче атнада тәүлек әйләнәсе яктылык булдырырга кирәк. Аннан яктырту вакытын 20 сәгатькә кадәр кыскарталар. Чөнки азык эчәк тракты аша 5 сәгатьтә әйләнеп чыга, чебиләрне ач тотарга ярамый. Алар караңгыда ашамый. 45-50 см биеклектә саргылт төстәге лампа куйсагыз яхшырак.
Люминесцент лампа моның өчен бик яхшы түгел, ул җемелди. Кеше аны сизмәскә мөмкин. Чебигә светодиод яки җылыта торган инфракызыл лампа яхшырак. Кошларга коры, җылы урын кирәк, иң мөһиме — үтәли җил булмасын. Беренче ике атнада температура +30...+35 °С тирәсе торырга тиеш. Шул чакта алар өелешми, тапталмый. Аннан алар +21 °С температурада да туңмаячак.

Сыйфатын тикшерик

Атланмайның сыйфатын тикшерү өчен, кечкенә генә кисәкне кайнар суга салырга кирәк.
Сыйфатлы атланмай кайнар суда шундук эри.
Маргарин яки спред кайнар суга салгач, кисәкләргә аерыла.

Пастеризацияләнгән сөт файдалымы?

Билгеле, иң файдалысы — яңа савылган авыл сөте. Мондый мөмкинлегегез юк икән, пастеризацияләнгәнен алыгыз, ул файдалырак. Бу очракта сөт 76-78 °Ска кадәр җылытыла һәм кинәт суытыла.
Стерилизацияләү өчен сөтне 20-30 минут 120-150 °Ска кадәр җылыталар, ягъни кайнаталар. Анда зарарлы бактерияләр генә түгел, файдалы-лары да калмый. Стерилизациялән-гән сөт бер елга кадәр саклана, пас-теризацияләнгәнен 2 атнадан артык тотып булмый. Сөтнең ничек эшкәртелүен саклану вакытына карап та белә аласыз.
Авыл сөтен өйдә дә пастеризацияләп

Ярмалар күпләп алынса

Ярмаларны коры контейнер яки 3 литрлы банкага бушатырга кирәк. Пакетта саклаганда, корткычлар барлыкка килергә мөмкин. Алар чыкмасын өчен, ярма эченә берничә лавр яфрагы яки сарымсак тырнагы сала аласыз. Ярма тутырылган савытны коры, караңгы урынга куярга кирәк, кояш нурлары төшмәслек булсын. ГОСТ таләпләре буенча, ярмалар +18 °Стан артмаган (иң яхшысы -5...+5 °С) температурада, һаваның дымлылыгы 60-70 % тирәсе булган урында сакланырга тиеш.
Барлык таләпләрне үтәгәндә, тары ярмасы — 9 ай; манный, геркулес — 10 ай; арпа ярмасы — 15 ай; дөге — 16 ай; карабодай — 18 ай; борчак 2 ел тирәсе саклана.

Балтаны ничек кайрарга

Балта кайрау аерым игътибарны таләп итә. Электр җайланмасы белән кайраганда, металл тиз кыза. Ә бу исә коралның кискеч урынына файдалы түгел. Шуңа күрә беренче эш итеп, кайракны уртача тизлеккә көйләргә кирәк. Үткенләгәндә балтаны ничек тоту да мөһим. Аны 45 градуслы почмак ясап кайрыйлар. Балтаны кыздырырга ярамый, аны вакыт-вакыт салкын суга манып алырга кирәк.

Гөл төбенә нәрсә әйбәт?

Миләүшә чәчәк (фиалка) В12 витамины ярата. Аны 1 л суга 1 ампула кушып сибәргә кирәк.
Тукландыру һәм профилактика чарасы буларак, бүлмә гөлләренә көл сибәләр. 1 аш кашыгы көлгә 1 л кайнар су коеп, бер атна төнәтегез. Ике атнага бер тапкыр сибәләр.
Алоэ согы гөлләрне үстерә. 1,5 л суга 1 чәй кашыгы кушарга кирәк.
Цитруслылар кабыгын ташламагыз. Өстенә су салып, бер тәүлек төнәткәннән соң аны гөлгә сибәргә була.
Баллы суны барлык гөлләр, бигрәк тә кактус ярата. Ярты стакан суга ярты чәй кашыгы кушып сибәләр.
Табын янында чәйне эчеп бетермичә, раковинага илтеп түгәргә ашыкмагыз. Гөлләр чәй эчәргә ярата. Бигрәк тә аны абага гөле үз итә.
Гөлләрне аспирин белән ашлау

Җайланма

Әлеге ролик пирогның өстен бик тиз челтәрләп бизәү мөмкинлеге бирә. Пирогның өсте өчен җәем әзерләргә һәм роликны йөртеп кискәләргә. Ул джемлы эчлекле пироглар өчен бик яхшы булачак.