"Марий Эл" газет - поро йолташет

Тиде кечылаште республикыштына илыше-влак икмыняр диктантым возымашке ушненыт. 26 апрельыште Россий мучко эртыше «Сеҥымашын диктантше!» акций шке йырже ятыр еҥым чумырен. Тудо Кугу Отечественый сарын историйжылан пӧлеклалтын. Диктант кудымшо гана эртен. Республикна мучко чылаже 229 площадке пашам ыштен. Диктаным кундемыштына чылаже 6 тӱжем утла еҥ возен. Ик эн ойыртемалтше площадке Йошкар-Олаште Калык-влакын келшымаш пӧртыштышт лийын. Тушто шке шинчымашыштым Российысе Калык-влакын ассамблейыштын регионысо пӧлкаштын еҥже-шамыч ончыктеныт. Тений диктантыше заданий-шамыч Ленинградым блокаде деч тӱрыс утарымылан 80 ий темме, совет войска-влакын СССР-ын чекышкыже лекме, писатель-фронтови

Поро эр, пагалыме лудшына-влак! Таче 29 апрель. Калык пале-влак: Касвел мардеж пуале – вӱдыжгӧ игечылан. Нӧлпӧ пеледын - шемшыдаҥым ӱдаш йӧра. Ковыштам ты кечын шындаш гын, тудо нӧргӧ, тамле, кугу шочеш. Л.Шабдарован/ "Марий Эл" увер агентстве

«Марий талешке кече. День национального героя» сылнымут-сем кас Москваште ВДНХ- ште эртен. Марий Эл Республикысе Калык усталык да тӱвыра ден каныме паша шотышто шанче-методике рӱдерын пашаеҥже-шамыч элнан рӱдолаштыже илыше-влакым марий эпос-влакын патырышт, историй дене кылдалтше геройла, элнан патриотшо-шамыч дене палымым ыштеныт. Касым «Эрвел марий», «Марий памаш», «Мурсескем» да «Пеледӹш» коллектив-влак сӧрастареныт.

Шокталтыза гармоньдам, пералтыза тӱмырдам... Москваште ВДНХ-ште кок марий сӱан лиеш. Всероссийский сӱан фестиваль кышкарыште (12-19 май) «Россий» выставкыште 150 ӱдыр-каче возалтеш. Нунын коклаште - Марий Эл гыч кок мужыр. Марий сӱан-влак 12 да 16 майыште эртат. Никита ден Наталья 7 ий наре пырля улыт. Вузышто тунеммышт годым палыме лийыныт. Нуно тӱрлӧ кундемым ончен кошташ, велосипед дене кудалышташ йӧратат, спорт дене кылым кучат. Орьеҥ ден каче уло Йӱдвел Осетийым ужыныт манаш лиеш, Владикавказыште лийыныт, Эльбрус марте миен шуыныт. Чегет курыкыш кӱзеныт. Алтайыш миен коштыныт. Горно-Алтайск гыч тӱҥалын Монголийын чекше марте икмыняр кундемыште лийыныт, шуко оҥайым ужыныт.

Пашаче династий-влаклан – чап!
Марий Элысе профсоюз объединений Первомай вашеш кумшо ий паша пайремым эртара. 27 апрельыште Йошкар-Олаште «Пашан еҥже-влак» («Люди труда») республиканский профсоюз конкурсым иктешленыт. Ныл номинацийыште: «За преемственность поколений», «Стабильность, творчество, качество», «За созидание и долголетие в профессии», «Молодые профессионалы» – сеҥыше-влакым саламленыт.
Конкурс пашаче еҥым мокта, тудын шонымашыже – пашаште шумо сеҥымаш дене палымым ышташ, передовой опытым шараш, самырык-влакым экономикым нӧлталме пашашке ушаш, еш паша традицийым тукым гыч тукымыш шуяш. Тений Шернур, Марий Турек, Кужэҥер, Волжский, Морко, Килемар, Оршанке, Юрино, Звенигово районла

Утларак эскерыман
Марий Эл вуйлатыше Юрий Зайцев республикысе Антинаркотический комиссий ден Оперативный штабын заседанийыштым эртарен.
Тушто май пайрем-влак жапыште лӱдыкшыдымылыкым ыштыме йодыш-влакым каҥашеныт, тыгак терроризм лийын кертме деч эскераш кӱлмӧ нерген мутланеныт. Чыла тидым шукташашлан мом ыштышашым палемденыт.
Май пайрем-влак жапыште Юрий Зайцев лӱдыкшыдымылыкым утларак вияҥдаш кӱштен.
Марий Эл вуйлатышын пресс-службыжын уверже негызеш Л.Камалетдинова ямдылен

Тыршет – полшат
Волжский районысо Сотнур тӱвыра пӧртыштӧ агропромышленный комплексыште тыршыше коллектив-влаклан кугыжаныш могырым пуымо полыш нерген каҥашыме.
Вашлиймашке районысо тӱшка ялозанлык предприятий, фермер, индивидуальный предприниматель-влак погыненыт. Тыгак район администрацийым вуйлатышын пашажым шуктышо Т.Ильина, Марий Эл Кугыжаныш Погын председательын алмаштышыже Л.Яковлева толыныт.
«Марий Элысе компетенций рӱдер» автономный коммерческий огыл ушем вуйлатыше С.Першуткин тӱшка ден фермер озанлык, тыгак предприниматель-влаклан кугыжаныш могырым полыш могай программе почеш ойыралтме нерген каласкален. Республикысе предприниматель-влакын праваштым аралыме шотышто уполномоченный