🎗26 апрельыште Россий мучко эртыше «Сеҥымашын диктантше!» акций шке йырже ятыр еҥым чумырен. Тудо Кугу Отечественый сарын историйжылан пӧлеклалтын.
Диктант кудымшо гана эртен. Республикна мучко чылаже 229 площадке пашам ыштен. Диктаным кундемыштына чылаже 6 тӱжем утла еҥ возен.
Ик эн ойыртемалтше площадке Йошкар-Олаште Калык-влакын келшымаш пӧртыштышт лийын. Тушто шке шинчымашыштым Российысе Калык-влакын ассамблейыштын регионысо пӧлкаштын еҥже-шамыч ончыктеныт.
Тений диктантыше заданий-шамыч Ленинградым блокаде деч тӱрыс утарымылан 80 ий темме, совет войска-влакын СССР-ын чекышкыже лекме, писатель-фронтовик-шамычын лӱмгечышт, моло лӱмлӧ дате дене кылдалтыныт.
📝«Тотальный диктантым» Марий Элыште «визытан» отметкылан тений чылаже индеш еҥ возен.
Тиде акций республикыштына ынде 11-ше гана эртен. Ты гана шым плащадке пашам ыштен. Тушто грамотан улмыжым 230 еҥ терген. Сеҥыше-влакым 27 апрельыште Йошкар-Олаште С.Г.Чавайн лӱмеш калыкле книгагудышто саламленыт.
Присоединяйтесь к ОК, чтобы подписаться на группу и комментировать публикации.
Нет комментариев