Предыдущая публикация
Илдар ЮЗЕЕВ
* * *
Кузгалаклы болыннар,
Тузганаклы болыннар,
Балачак узган урамнар,
Чәчем тузган урыннар.
Кузгалаклы болыннардан
Йөрим һаман узгалап.
Җилләр искән, очкан-киткән
Балачагым тузганак.
Сибелделәр чәчләрем,
Акты-китте яшьләрем,
Күрешергә килгән идем,-
Балачак, ник дәшмәдең?
Эзлим туган җирләрдән,
Йөгереп менгән үрләрдән,
Кире җыеп алыр идем,
Мөмкин булса, җилләрдән...
Илдар Юзеев
Следующая публикация
Нет комментариев