Предыдущая публикация
Севгимнинг уволи тутмасми сизни,
Кўз ёшлар уммони ютмасми сизни,
Тонглари отмайин интизор қилган,
Қоронғу кечалар кутмасми сизни.
Менинг бор-йўқлигим билинмайдими,
Висол илтифотлар илинмайдими,
Юракдан тилимга кўчмаган ҳасрат,
Тиз чўкиб, кетманг деб ялинмайдими.
Кўнгилни олишга моҳирмидингиз,
Ҳижронми, зулмми, қаҳрмидингиз.
Ўзининг ўрнига менинг кўнглимни,
Сандиқда оқизган Тохирмидингиз.
Қўлингиз тафтлари қолди қўлимда,
Қоқилиб юраман юрган йўлимда,
Борики тирик зот бир бора ўлса,
Биздек бир ғарибга кунда ўлимда...
Присоединяйтесь к ОК, чтобы подписаться на группу и комментировать публикации.
Комментарии 3