Предыдущая публикация
Хон Петра вош вантты яңхсув
Ун кер тыӆащан, округ няврэмат #Путешествие89 образовательной тур хуват Хон Петра вош вантты тутӆысайт. Хой яма утаӆтыйӆ, антиӆаӆ-ащиӆаӆ вуӆы хотан па хуӆ веӆпасӆыман рупитӆат, щимащ няврэмат ун вош вантты пирысайт. Овкурт эӆты Светлана Артанзеева, Наталья Лонгортова па Никита Артанзеев яңхсат.
Муй хорпи хорамат ун вошан вантас, Наталья Лонгортова потар тус: «Ма тамащ ун воша оӆаң пуш яңхсам. Щита Москва вош па округ ун вошат па
куртат эӆты ёхтам няврэмат пиӆан похла акатсаюв па рупата пеӆа еӆӆы утаӆтыты университетат, вош хорамат вантты, лекцияйт хуӆантты иса яха тутӆысаюв.
Ашкуӆа етшатыйн, еӆӆы утаӆтыты ищи па ун воша манты мосаӆ. Тата муң арсыр утаӆтыты хотат вантсув. Тухаӆ хотӆаӆ Хон Петра уӆмаӆ порайн
верман усат. Щита утаӆтыты Овс мув няврэмат пиӆан уйтантысув, ӆув потартсат, маты университетан муй рупата пеӆа рахаӆ еӆӆы утаӆтыты. Шушиӆысув, вантсув, шеңк ощхуль ус хуӆанттыя.
Воӆаң Ляль порайн парам хоятат кащтаты кев хар хоща яңхсув. Йи ун кев хор хоща кашң мув сыӆ атэӆ кев хоран верман уӆ. Округев нэм ханшам кев хора муң ӆыӆаң лыптат понтсув. Кимет хатӆ лекция хуӆантсув, хоты Воӆаң Ляль порайн Хон Петра вошан хоятат ӆэӆӆы шукащман усат па рупитсат.
Етна пелка «Ромео и Джульетта» спектакль вантты театра тутӆысаюв. Хорамаң ун хотан хоят тэӆые. Каш альты хоятат, эваӆты щирн, шеңк яма ёнтсат. Еӆпи щимащ ёнтопсайт муң телевизор хуват туп вантсув.
#Путешествие89 образовательной тур ӆэщатам хоятата пумащипа ясаң ястаты вутщиӆам. Там шеңк ям номас, вуӆы хотаң па хуӆ веӆты ёх
няврэмӆаӆ, ашкуӆа етшаты еӆпийн, ун вошат вантты тутӆыты. Хой мосаң еӆӆы утаӆтыты щи вош пирыйӆ, хоя па мосаң ӆыпеӆан ӆаварт питаӆ ун вошан уӆты па ёӆан хащаӆ».
Следующая публикация
Нет комментариев