Предыдущая публикация
Воӆаң Ляль хатӆ постаман кассат
Ас нопатты тыӆащан, Воӆаң Ляль постаты хатӆ еӆпийн, Горка вошан касты хар ӆэщатса. Нийӆ хоятан юращты актащсат, ун хоятат – вет команда, няврэмат – хуӆам.
Касты мохет кеша артаӆаты юш ӆэщатса, хота ляль порайн уӆты верат верты мосас: ӆыӆ сайӆаты рещина мил ӆуматман хухаӆты, патрон тайты ӆаварт ӆаращ аӆты, пошкан эӆты орытты, похнапса пормас вощкаты, мушмаӆтам хоят аӆты.
«Касты кутӆуван ай няврэмат хатӆ сыс шавиты хотан рупитты мохет, леккар хотан рупитты хоятат усат. Няврэмат па юниоры атэӆ команда па акатсат. Кашң командайн нийӆ хоят ус. Ма ашкуӆайн рупитты хоятӆам пиӆан касты харан усам. Коррекционной ашкуӆайн рупитты мохиӆув па муң ашкуӆаеван утаӆтыты няврэмӆув оӆаң местайт усат. Муң хуӆмет. Няврэмат па ун хоятат атэӆ мойӆаптасайт. Оӆаң хуӆам места шитам командайт охан па грамота нэпекатан юкантсайт.
Воӆаң Ляля яңхам хоятӆув иса нумман тайӆаӆӆув. Щи вер нэмоӆты порайн ант ёрэматы ураңан, энамты няврэмата потар туӆув. Муй арат юр па ӆыӆ понты мосас, нох питам хатӆэв ванаматы кеша.
Там йисан ляль харатан уӆты ёхӆува катӆащты ясаң китӆув. Тумтак уӆаты, самӆан така вераӆан, ӆыӆңа ёхи ёхтаты», ¬– Горка вошан ашкуӆайн няврэмат ханты ясңа утаӆтыты ху Антон Максаров ястас.
Следующая публикация
Нет комментариев