Предыдущая публикация
Йолташ-влак, тыландат лудаш шындем, лудса да аклыза!)
Тӧрлыза, шке суртдам!
Иктылан ом ойло,
Мо верч, ойгырем,
Молан кочо шӱлык, возын шӱргышкем?
Нигӧат ок полшо,
Чон ойгем эмлаш,
Поро мутым муын, кидым шуялташ.
Эҥерташ нигӧлан,
Шукертсек, палем,
Полшат гын, ой дене, шуят йомак ден.
Йодыштыт еш кӧргым,
Тӧрлашат полшат,
А вара шеҥгечын погынал "эмлат".
Нигӧлан ом ойлышт,
Кузерак илем,
Могайрак саскалам, пакчаштем куштем.
Мом ыштат ешемже,
Кӧн- могай паша,
Молан тиде йодыш, чондам витара?
...Ойлынем, родем-влак,
Лишыл- пошкудем,
Ида шолышт омым, мыскынь шомак ден.
Ида кошт йомак ден,
Еҥ чонлам терген,
Тӧрлыза шке суртдам, "лишылда" пелен!
19.04.2024.
/Антонида Щербакова/
Присоединяйтесь к ОК, чтобы подписаться на группу и комментировать публикации.
Комментарии 9