#ЭльзаКузьмина
Тока тый ыльыч пеш изи
Шочыч кече лекме годым
Шоналтышым тунам, чулым лий
Ит лÿд, ит вожыл мыйын семын.
Тый лийыч у саманын вий
Мемнан гай огыл йöршын.
Тунамсе пагыт- тулпатыр вий
Муржат, семжат йоҥгалтын весын.
Ит тошт пераш шке деч изим,
Ача- авам, пагале кугыракым
Ойленыт мыланна тунам
Мыйжат тендам тыгак туныктенам.
Кушкыч, лийыч тый ешан,
Ончем да, шкемымак ужам.
Шонет тый мыйын семын огыл
Улат тый мый дечем ушан.
Еҥлан йöраш, кумылжым нöлташ
Йöршеш от шоно мыйын семын.
Йочам ончет, илет шканет
А мыйын ончылно вет весе лийын.
Ом мошто шкемым мый аклен,
А тыйым, ончен мый куанем
Улат тый весе, у саманын
Садлан мый тыйым йöратем!
#ЭльзаКузьмина
29.03.24.
Ӱлыл Азъял
/Э. Кузьмина/
Присоединяйтесь к ОК, чтобы подписаться на группу и комментировать публикации.
Комментарии 19
Акак шужаракла веле койыда