Пад Гомлем разьвітваюцца з Аляксандрам Віхорам
У Касьцюкоўцы пад Гомлем пачынаецца разьвітаньне з Аляксандрам Віхорам, які загінуў пасьля затрыманьня АМАПам. На пахаваньне прыйшоў жыхар Гомля Сяргей Шоман. Ён таксама быў затрыманы 9 жніўня і бачыў Аляксандра ў РАУС, потым — у судзе і ў аўтазаку.
«Ён быў у страшным стрэсе, пацеў, хваляваўся, прасіў увесь час мэдыцынскай дапамогі, на яго ніхто не зьвяртаў увагі. Калі нас везьлі з суду на СІЗА, яму было вельмі блага, ён зноў прасіў пра дапамогу, клікаў маму, тату. Тады міліцыянты, ці хто яны, канвой ці наглядчыкі, пырснулі ў яго пярцовым газам. Нас вывелі, ён застаўся ў у аўтазаку адзін. Я толькі чуў, як яны спыталіся: „А з гэтым што рабіць?“,