Предыдущая публикация
Кеча ёзувчи, режиссёр, фахрий журналист Анвар ака Тожиев менга чоп этинг деб ўз ҳаётида бўлган кичик воқеани ёзиб олиб келди.
Менга ёқди. Сизлар ҳам ўқиб кўринг-а!
ҲАЛОЛЛИК ШАРОФАТИ
Бир кун кечки пайт , ишдан қайтаётиб, метро бекати ёнидаги бозорчадан ўн дона туҳум сотиб олдим. Уйга келсам, хотиним “ Нега тоқ тухум олдингиз? ” деб қолди. Санасам, тухумлар сони 11 та чиқди. Ғира-шира кеч бўлгани учун сотувчи янглишган бўлса керак деб изоҳ бердим. Эртасига ишга кетаётиб, метро ёнида туҳум сотган одамни изладим—ҳали келмаган экан. Кечқурун ишдан қайтаётиб, яна ўша жойга бордим. Сотувчи савдосини эрта тугатиб, кетиб қолган экан. Ёнидаги одамга бўлган воқеани тушунтирдим. Бериб қўйиш учун пул берсам—олмади, эртага сотувчи келиш-келмаслигидан беҳабар экан.
Ҳуллас, ахир сотувчини топдим. Менга янглишиб, битта туҳумни ортиқча бериб юборганини тушунтириб, пулини бердим. “Қиёмат қарз”дан қутилганимдан хурсанд бўлиб, уйга келсам... ҳавлимда товуқлар юрибти.! Кейин билсам, жияним дала ҳавлисидаги тухум бериб турган ўнта товуқни бизнинг уйга ташлаб кетибти! Унинг устига, бир ҳалта дон, комбикорм, витаминлар ҳам қолдирибти. “Товуқ ҳам, туҳуми ҳам сизларга , уларга қарашга ҳеч вақт ортдиролмаяпман,”деганмиш. Бир товуқ ҳатто, туҳум ҳам қилиб улгурибти. Шу—шу, қиши билан уйимиздан туҳум аримади. Мева-чева, сабзавот чиқиндилари, ушоқлар ҳам увол бўлмай қолди.
Ҳалолликда гап кўп экан...
Анвар ТОЖИЕВ
Следующая публикация
Нет комментариев