Назаранка Людміла Станіславаўна
КАСЦЁЛ СВ. КАЗІМІРА Ў СТОЎБЦАХ ЯК ПРЫКЛАД СТЫЛЯВОЙ ЭВАЛЮЦЫІ НАЦЫЯНАЛЬНАГА ДОЙЛІДСТВА
Яшчэ ў пачатку мінулага стагоддзя нельга было спрачацца з правільнасцю выраза “Усе дарогі вядуць да храма”. Да касцёла святога Казіміра ў Стоўбцах вяла не толькі дарога, але і гукі музыкі. Кожную раніцу выходнага дня жыхары мястэчка чулі мелодыю кларнэта, якая гучала з адной з вежаў касцёла, нагадваючы, што прыйшоў час ісці да храма, каб звярнуцца да Бога.