Папярэдняя публікацыя
Успамін пра падзею 5 гадоў таму

ҚИЗ БОЛАНИ
ҲЕЧ ҚАЧОН УРМАНГ!
Уйингизда малика бўлсин,
Майли қаср-саройлар қурманг.
Кўнглидаги ярим ой тўлсин,
Қиз болани ҳеч қачон урманг!
Тонг отмасдан уйғонса саҳар,
Сўрамаса сиздан бир шаҳар,
Бахтли бўлсин десангиз агар,
Қиз болани ҳеч қачон урманг!
Кўзларида порласин қуёш,
Дудоқлари жим қотмасин тош,
Ахир қизлар бўлмайди бебош,
Қиз болани ҳеч қачон урманг!
Яраштириб рўмол ўрайди,
Сизга Ҳақдан Жаннат сўрайди,
Қиз болани уриб бўлмайди,
Қиз болани ҳеч қачон урманг!
Қиз меҳрибон, куйинчак бўлар,
Бир кун келиб келинчак бўлар,
Кўтарилсин дуога қўллар,
Қиз болани ҳеч қачон урманг!
Ҳали у қиз бир ёр бўлади,
Кимдир севган аёл бўлади,
Ўғил-қиз фарзандлар кўради,
Қиз болани ҳеч қачон урманг!
Сизни сийлаб қиз берган Худо,
Ҳаққингизга қилади дуо,
Ёлвориб мен сурайман сиздан
Қиз болани ҳеч қачон урманг!
Хато қилса тушунар айтинг,
Аразласа жим қараб турманг.
Худо ҳаққи бу йўлдан қайтинг,
Қиз болани ҳеч қачон урманг!

Наступная публікацыя
Каментарыяў няма