Аляксандр Каткавец, кіраўнік фермерскай гаспадаркі, што месціцца ў Хадаках, разам з жонкай Аленай набілі руку ў вырошчванні капусты і паспяхова рэалізуюць прадукцыю на ўнутраным рынку, у тым ліку пастаянным пакупнікам (а гэта прыкмета якасці тавару). Справа гэта няпростая – не адзін навічок прагарэў на спробах вырасціць культуру, што патрабуе далікатнага падыходу і пастаяннай увагі. Аднак стараннасць фермераў прынесла свае плады ў выглядзе ладных крамяных качаноў – на кірмашах яны нарасхват, бачыли на свае вочы. А з чаго ўсё пачыналася, даведаецеся на сайце: https://ivatsevichy.by/biznes-na-kapustse-vopyt-fermera-alyaksandra-katkautsa/ і старонках "ІВ" у нумары за 18 мая
За сем кіламетраў на паўночны ўсход ад Амяльной, каля возера ляжыць невялікая вёска Гошча. Паводле пісьмовых крыніц, згадваецца ў 1520 г., калі Пінскі князь Ф. І. Яраславіч у сваім завяшчанні даруе Гошчу разам з сялянамі і возерам Багародзіцкай царкве Ляшчынскага манастыра. Аб назве вёскі. Яшчэ ў сярэдзіне 19 стагоддзя вучоны-лінгвіст Піцтэт выступіў з артыкулам, у якім дае сваё тлумачэнне тапоніму Гошча. Ён убачыў у санскрыцкім слове gostha сэнсавы адпаведнік слову «гошча». Гэта слова складаецца з дзвюх асноў: go (карова), sthana (стан). Інакш – месца, дзе стаяць каровы, стан для кароў. 3'яўленне гэтых слоў вучоны звязвае з развіццём чалавечай цывілізацыі, калі людзі ад збіральніцтва і