Ишқ дегани кўзни этар нам.
Иши ишкал, бошдан оёқ ғам.
Бедаво дард, ёр васли малхам.
Бемор экан билмай севибман.
Уйқу бермас тунлар ёр ёди.
Ёрга етмас бедор фарёди.
Ўша-ўша Мажнун, Фарходи.
Бедор экан билмай севибман.
Кўк ул ёрни эслатар Мохинг.
Мен чорасиз бедор хамрохинг.
Бой бўлмасанг чеккан ох-вохинг.
Бекор экан билмай севибман.
Айрилиқда онлар мисли йил.
Соғинчининг қийноқлари хил.
Дунё зарга дил сотган бедил.
Бозор экан билмай севибман.
Гунохим не, қилдим не хато.
Ишқ кўнгилга Аллохдан ато.
Ёр ётга ёр ўлгунимча то.
Озор экан билмай севибман.
Кун кунимни бермайди хумор.
Яшаяпман ёр васлига зор.
Менга манзил ёр йўқламас, тор.
Мозор экан билмай севибман.
Айродаман орамиз кенг жар.
Бечораман, кўксимда ханжар.
Билсам бунда мендек ошиқлар.
Хор-зор экан билмай севибман.
Ишқ деганнинг қароқлари нам.
Иши чигал, бор бисоти ғам.
Дарди беэм, ёр васли малхам.
Бемор экан билмай севибман.
Присоединяйтесь к ОК, чтобы посмотреть больше фото, видео и найти новых друзей.
Нет комментариев