Лічы, што няма беларусаў.
Коцікі, сабачкі,ежа, хатні гвалт.
Быццам і не было 2020 года.
Не было тых катаванняў і здзекаў, якія дагэтуль безупынна працягваюцца ў Беларусі.
Асабіста я лічу, што нашых сведчанняў экспертам ААН па правах чалавека вельмі недастаткова, бо гэта нейкая таямніца за сям'ю пячаткамі для спецыяльных людзей.
Свет пра гэта практычна нічога не ведае. А тое, што і было апублічана, даўно забыта.
Таму прапаную кожнаму, хто прайшоў праз рэжымнае пекла, расказаць пра гэта тут.
Спадзяюся, што нас пачуюць, зразумеюць, што адбываецца ў Беларусі.
Свой жа аповяд пачну практычна з канца, бо вельмі моцна на мяне паўплываў гэты выпадак, і не магу выкінуць тое з галавы.
Адбывалася то перад апошняй, шостай маёй адседкай у ІЧУ з пачатку выбарчай кампаніі 2020 г.
Нічога такога. Проста ў віншаванні беларусам з Раством, крычала: Жыве Беларусь!
Мяне шукала міліцыя. А мы з унучкай захварэлі і лекаваліся дома.
Дачка, сыходзячы на працу, зачыняла дом навясным замкам. Быццам нікога няма.
Так, хавалася, бо не ведала ці вытрымаю я тое зноў,ды яшчэ з кавідам, можа іншая трасца да мяне прыляпілася.
А дом мой у самым канцы вёскі стаіць, на адлегласці ад усіх.
Так і называюць вяскоўцы мой падворак-хутар.
І дарога да яго адна, карацей, незаўважаным не пад'едзеш.
Тыдні тры, як я была ў вышуку.
І тут бачу, як пад'язджае да дома ментовская машына.
Хапаю ўнучку ў бярэмя і куляй у пярэдні пакой, дзе вокнаў няма.
Саджуся на падлогу, дзіця на калені, палец да вуснаў прыкладваю, паказваю,
тссс, сядзім ціха.
А яны б'юцца ў дзверы, вокны, нахабна так, думала дзверы ламаць будуць, мацюкаюцца...
Дзетка мая спалохалася не на жарт, пісаецца ад страху мне ў калені і шэпча држачым галаском: Бабуля, немцы прыйшлі.
Як хутка трохгадовае дзіця іх ідэнтыфікавала з фашыстамі.
Праўду кажуць, вуснамі дзіцяці глаголет ісціна.
Але галоўнае тое, што ў той момант я ўсім нутром адчула, у якім жаху мы жывем.
Што не будзе пры гэтым рэжыме жыцця людзям, не будзе будучыні ў дзяцей, застанецца толькі страх.
І мне тады таксама было страшна.
Страшна такое дапусціць! https://www.facebook.com/permalink.php?story_fbid=pfbid02Uj25XS7norBaZn3XV6M1U8ivDcK72xg3QZ3SCYBSw8QyVh21BhU4Qoo25rAtcHR7l&id=100006977206423
Присоединяйтесь к ОК, чтобы посмотреть больше фото, видео и найти новых друзей.
Комментарии 1