Сёння ў Мішневіцкай базавай школе адбылася знамянальная падзея: адкрылася першае ў нашым раёне дашкольнае лясніцтва «Лесавічок».
Сямёра малышоў далі клятву беражліва адносіцца да жывёльнага і расліннага свету, дапамагаць захоўваць прыродныя багацці і памнажаць іх. Юныя лесаводы атрымалі ад Шумілінскага лясгаса спецыяльную форму, значкі, падарункі.
Як адзначыў дырэктар Шумілінскага лясгаса Віталь Судакоў, вельмі важна з малых гадоў прывіваць любоў да родных мясцін, выхоўваць пачуццё адказнасці за прыроду.
Юных лесаводаў павіншаваў і ветэран лясной службы Уладзімір Мазейка.