Солҳо шуд, к-аз сафи ошиқтарошон бар шудам,
Мису зарро дам ба дам санҷидаму заргар шудам!
سالها شد، ک-از صفِ عاشقتراشان بر شدم،
میس و زر را دم به دم سنجیدم و زرگر شدم!
Кимиёи зеҳн гашт оинадори таҷзия,
Кашф кардам айнаке, қомуси кӯру кар шудам!
کیمیا ی ذِهن گشت آئنه دارِ تجزیه،
کشف کردم عینکی، قاموس کور و کر شدم!
Аз танӯри сина дуди оҳу фарёдам шукуфт,
Дар биёбони муҳаббат Қайси дардофар шудам!
از تنورِ سینه دودِ آه و فریادم شکفت،
در بیابانی محبت قیسِ دردآور شدم!
Бо умеди шаҳди васл аз маҳд то хоки хамӯш,
Бо хуруҷи сӯхтанҳо миҷмари озар шудам!
با عمیدِ شهدا وصل از مهد تا خاکِ خموش،
با خروجِ سوختن ها مِجمرِ آذر شدم!
Бозӣ-бозиҳои дил бо нори сӯзон кам нашуд,
Пайравӣ кардам ба оташдону хокистар шудам!
بازی-بازیهای دل با نارِ سوزان کم نشد،
پیروی کردم به آتشدان و خاکستر شدم!
Эй Зулайхо, дӯст бошӣ ранг бину ҳол пурс,
Ҳамчу Юсуф дар чаҳи томотҳо музтар шудам!
ای ذلیخا، دوست باشی رنگ بین و حال پرس،
همچو یوسف در چهِ تامات ها مضتر شدم!
Воҷидо, з-ин даҳри фонӣ то бақо хеле раҳ аст,
К-аз ҷиҳоди ҳастӣ то оянда ёдовар шудам!
واجیدا، ز-ین دهرِِ فانی تا بقا خیلی ره است،
ک-از جهادِ هستی تا آینده یاداور شدم!
( Vojidi Ashti )
21.04.2024
Присоединяйтесь к ОК, чтобы посмотреть больше фото, видео и найти новых друзей.
Нет комментариев