*** Калі на полі ўсё квітнее, І ноччу падрасла трава, І неба шырыцца, сінее, І хмаркі – белая жарства, Калі дарогі жоўтай стужка Вядзе за дымны небасхіл, Калі над ёю кружыць птушка, А па дарозе ўецца пыл, Люблю стаяць на ўскрайку лесу, Абняць зялёную сасну, Глядзець, як травень піша п’есу Пра беларускую вясну.
*** Калі на полі ўсё квітнее, І ноччу падрасла трава, І неба шырыцца, сінее, І хмаркі – белая жарства, Калі дарогі жоўтай стужка Вядзе за дымны небасхіл, Калі над ёю кружыць птушка, А па дарозе ўе...
*** Прыйшлі дахаты пераможцы. Узяць каня, й таго – няма. Хоць сам ты запрагайся ў вожкі, Вакол – калгасная турма. Што франтавік ты, і не ўспомняць. Нальюць пладовага віна… Кароўцы косіш, дык прагоняць, Не дапамогуць ні хрэна. Калі ж у партыі не быў ты, Дык хіба сторажам рабіў. Жыццём, вайною быў пабіты І вельмі цяжка, бедна жыў. А здохнеш, дык труной памогуць. Ўдаве ні дошкі не дадуць! І спадзяваліся на Бога, Яго ў цябе – не забяруць! А сёння ўсё для пераможцаў! Ды дзе яны, дзе іх знайсці? Адно што ў гонар іх ля пожні Змагла ігруша расцвісці. 09. 05. 2019 г. Вожкі – лейцы (гомельскі дыялект).
*** Прыйшлі дахаты пераможцы. Узяць каня, й таго – няма. Хоць сам ты запрагайся ў вожкі, Вакол – калгасная турма. Што франтавік ты, і не ўспомняць. Нальюць пладовага віна… Кароўцы косіш, дык праго...
*** Дзень Перамогі. Саджаю вяргіні. Успамінаю і маму, і тату. Успамінаю маленькую хату. Дзень Перамогі. Саджаю вяргіні. Дзень Перамогі. Ў дзяцінстве шчаслівым Май быў цяплейшым, бялейшымі – слівы, І маладымі – і мама, і тата, Нават раднейшай – старэнькая хата. Дзень Перамогі. Як пырскалі вішні Водарам мёду! На вуліцу выйшлі Ў хустачцы – мама, у кіцелі – тата, Ў квецені вішань – старэнькая хата. Дзень Перамогі… Ні мамы, ні таты… З нашага свету сыходзяць салдаты. Коле душу тая памяць, як іней. Дзень Перамогі. Саджаю вяргіні. Дзень Перамогі. Хай памяць не згіне! Хай для жывых расцвітаюць вяргіні! Дзень Перамогі. Я шчыра малюся За абаронцаў маёй Беларусі.
*** Дзень Перамогі. Саджаю вяргіні. Успамінаю і маму, і тату. Успамінаю маленькую хату. Дзень Перамогі. Саджаю вяргіні. Дзень Перамогі. Ў дзяцінстве шчаслівым Май быў цяплейшым, бялейшымі – ...