Болаликда бошқача эди.
Катта бўлгим келарди кунда.
Катта этик, катта шим, яна
катта шапка киярдим шунда.
Эҳ, акамни катта курткаси,
Эскиртириб ўзимга берди,
Янги пайти ёпишсам, Онам,
катта бўлсанг киясан дерди.
Катта, катта, катта бўлай деб,
Роса шошиб каттарган дамлар...
Аввал шапкам катта келарди,
Бугун катта келяпти ғамлар.
Йўқ, истагим бошқача эди,
Бошқа эди ҳавасим, қасдим.
Тор келяпти энди бу дунё
бунча катта бўлмоқчимасдим...!
Каримов Зуҳриддин
"Нега бунча яхшисиз?"дединг.
Ва ўгрилиб кетиб қолмадинг.
Яна сени севавердим мен.
Яна мендан қутилолмадинг.
Яхши десанг яхшидирман-да...
Қайдан жавоб берардим шу пайт.
Мендан хафа бўлма, ўзинг ҳам-
Нега бунча чиройлисан айт?!
Каримов Зуҳриддин.