Адбылася перазагрузка. Як? Дарога ў 110 кіламетраў па чыгунцы. Станцыя Вонічы, у межах якой пасярод лесу хаваецца хатка, пабудаваная дзедам больш за 70 гадоў таму. Мама, якая цяпер даглядае гэтую хатку і адваяваную некалі ў леса зямельку. Хата - гэта не кватэра, гэта цеплыня і душа, гэта жыццё і прыгажосць. Праца на гародзе, праходка па лесе. Фотаагляд закінутых суседскіх хат і падворкаў: сыходзяць у нябыт людзі - і разбураюцца іхнія хаты, зарастаюць лесам гароды, правальваюцца пад зямлю студні... Назіранне за прыродай, якая адна ў непарушнай, адной ёй вядомай гармоніі жыве, квітнее, спявае, дае людзям надзею на лепшае.
Адбылася перазагрузка. Як? Дарога ў 110 кіламетраў па чыгунцы. Станцыя Вонічы, у межах якой пасярод лесу хаваецца хатка, пабудаваная дзедам больш за 70 гадоў таму. Мама, якая цяпер даглядае гэтую хатку і адваяваную некалі ў леса зямельку. Хата - гэта не кватэра, гэта цеплыня і душа, гэта жыццё і прыгажосць. Праца на гародзе, праходка па лесе. Фотаагляд закінутых суседскіх хат і падворкаў: сыходзяць у нябыт людзі - і разбураюцца іхнія хаты, зарастаюць лесам гароды, правальваюцца пад зямлю студні... Назіранне за прыродай, якая адна ў непарушнай, адной ёй вядомай гармоніі жыве, квітнее, спявае, дае людзям надзею на лепшае.
Спрадвечная традыцыя на тое і традыцыя, каб яе захоўваць. Другая дарога напярэдадні Радаўніцы прывяла ў вёску Баяры. Тут пахаваныя продкі з боку бацькі і ён сам. Могілкі, сустрэчы, хаткі, прырода. Размовы, успаміны, усмешкі і слёзы, развагі і надзеі. Такі мудрагелісты шлях да сябе, да сваіх каранёў адбываецца гэтымі днямі...
Шаноўныя сябры! Я заўважыла, што мінулыя мае допісы адгукнуліся вам. Дарэчы яшчэ трапіліся фатаграфіі з летніка 2021 года ў Панкратавічах. І захацелася падзяліцца той атмасферай, якая там панавала. Я зноў нібы апынулася там, у прыгожым месцы, сярод прыгожых людзей. Зноў адчула, як дом, ззяючы на сонцы, нібы ажывае гоманам і смехам дзяцей, супольнымі малітвамі і працай, цікавымі каманднымі гульнямі і клопатам адзін пра аднаго... Прытым што ў доме ніхто не жыў - жылі ў намётах, пастаўленых на падворку, нават з немаўлятамі! Майму здзіўленню і захапленню не было межаў. Усё, глядзім фотачкі )))