Կանգ առ ժամանակ
Կա՛նգ առ, ժամանակ, մի քանի վայրկյան,
Հոգնել եմ արդեն երկար վազելուց,
Հոգնել են արդեն օրերից անկյանք
Իմ սիրտը տկար և հոգին անշունչ։
Կա՛ նգ առ, ժամանակ, մի քանի վայրկյան,
Վերջին մտքերս թող թղթին հանձնեմ,
Ինչքան էլ կյանքը իմ լինի ունայն,
Նրան թողնելու ես շատ բան ունեմ։
Կա՛նգ առ, ժամանակ, քիչ էլ սպասիր,
Ուզում եմ վերջին խոսքերս ասել,
Ուզում եմ ասել, գոհ եմ ամենքից,
Թող ներեն նրանք, ում չեմ գոհացրել։
Կա՛նգ առ, ժամանակ, դու վերջին անգամ,
Իմ ժամացույցի սլաքների հետ՝
Մինչ հրաժեշտի պահը սպասված,
Մինչև հարմարվեմ նոր վիճակիս հետ...
Փեշս թափ տվի, տա՛ ր ինձ ժամանակ,
Չեմ տանում ոչինչ՝ անգամ ափսոսանք,
Բացի մի քանի "ախ" ու "հառաչից"
Ու իբրև սնար՝ փայտե մի "արկղից"։
ՍԻԼՎԱ ՀԱԽՈՅԱՆ