Шмат ёсць мэтаў у чалавека, але галоўная мэта - Бог. Шмат дарог у чалавека, а ўсё адно чалавек прыйдзе да магілы. Чалавецтва, ужо ў асобе Адама і Евы, збунтавалася супраць Бога. Але Бог ўсё адно стаў шукаць спосаб паяднання людзей з Сабой. "Любоў Бога да нас адкрылася ў тым, што Бог паслаў у свет Сына свайго Адзінароднага, каб мы жылі праз Яго. У тым праявілася любоў, што не мы палюбілі Бога, а Ён Сам палюбіў нас і паслаў Сына свайго як уміласціўленне за грахі нашыя", - гэты ўрывак з 1 ліста Апостала Яна чытаюць сёння ў рымска-каталіцкім Касцёле. А праваслаўныя, частка грэка-каталікоў і пратэстантаў сёння святкуюць Уваскрасенне Гасподняе. Ісус Хрыстос выйшаў з магілы, і гэтаксама выйдуць
Архітэктар Вадзім Гліннік апублікаваў у "Каталіцкім Весніку" дужа цікавы артыкул пра будаўніцтва касцёла св. Апостала Андрэя ў Лынтупах. Ён шукаў пра лынтупскі касцёл у архівах і цяпер упершыню публікуе тое, што знайшоў. У артыкуле ёсць фота старога драўлянага касцёла, які быў, пакуль не збудавалі новы, мураваны. Налета Лынтупская парафія будзе святкаваць 125-годдзе ад пачатку будаўніцтва касцёла св. Апостала Андрэя. Як у невялікім мястэчку паўстала вялікая святыня, каторая нават сучаснікам падавалася агромністай? Паспрабуем адказаць на гэтае пытанне. У гісторыі сакральнай архітэктуры ёсць перыяд імклівага росквіту касцельнага будаўніцтва, падчас якога на тэрыторыі Беларусі за кароткі час
Сёлетні год багаты на гістарычныя юбілеі. Спаўняецца 510 гадоў ад першай згадкі ў гістарычных крыніцах адразу некалькіх паселішчаў нашага рэгіёна. У 1514 годзе ў дакументах упершыню былі згаданыя Глыбокае, Верхняе, Казлоўшчына, Мосар, Лужкі. Пагаворым гэтым разам пра Лужкі, а найперш пра хрысціянскія святыні, якія існавалі ў гэтым паселішчы.
Канечне ж, першая згадка не азначае даты заснавання населенага пункта. Каля Лужак, у Гарадцы, у VII-VIII стагоддзях было ўмацаванае гарадзішча полацкіх крывічоў, якое з часам яны пакінулі. Дакументы са згадкай Лужкоу у 1514 годзе знайшоў у 1930-х гадах у віленскіх архівах гісторык Отан Гедэман, аўтар кнігі “Валерыянаўскія школы кс. піяраў у Лужках”. Пав