,,Հայաստանի թագավոր,, արքայական տիտղոսը
1375 թ․ ապրիլի 16-ին մամլուքներն ու կարամանները գրավեցին Կիլիկիայի մայրաքաղաք Սսի միջնաբերդը։
Վերոնշյալ տարեթիվն էլ համարվում է Կիլիկյան հայոց թագավորության անկման տարի։
Սսի անկումից հետո Կիպրոսի տիրակալները, որպես Լուսնյանների ազգականներ, մեկ դար շարունակ իրենց տիտղոսին ավելացնում էին «Հայաստանի թագավոր» տիտղոսը եւ այդ անվամբ էլ դրամ էին հատում։
«Հայաստանի թագավոր» տիտղոսը կրել են ՝ Հակոբ Ա-ն (1375-1395), Յանուս կամ Յոհան Ա-ն (1398-1432), Յոհան Բ-ն (1432-1458), Շառլոտան՝ Լյուդովիկոս Սավոյացու կինը (1458-1460), Հակոբ Բ-ն (1460-1473) եւ Եկատիրինա Գորնարան (1473-1489)։
XVII դարում «Հայաստանի թագավոր» տիտղոսն անցավ Վենետիկի հանրապետությանը։ Այդ տիտղոսն ընդունեցին նաեւ Պիեմոնտի թագավորները, քանի որ Սավոյան դինաստիայից մի կոմս ամուսնացել էր Լուսինյանների տոհմից սերված իշխանուհու հետ։ Մինչեւ 1946 թ. Իտալիայում իշխած Սավոյան արքայական տան ժառանգները կրել են «Հայաստանի թագավոր» տիտղոսը։
Присоединяйтесь к ОК, чтобы посмотреть больше фото, видео и найти новых друзей.
Нет комментариев