Апошні сёлета допіс у налібацкім блогу. Ён прысвечаны новаму цікаваму месцу ў вёсцы. Там, дзе Налібакі і ўзніклі. У гэтым месцы у нашага князя Жыгімонта Кейстутавіча, як кажа паданне, ударыла маланка. Сваё выратаванне брат Вітаўта Вялікага палічыў цудам і загадаў пабудаваць у гэтым месцы капліцу. Вакол яе выраслі Налібакі. А сёлета ў гэтым месцы налібачанін за ахвяры налібачан зрабіў для налібачан гэты прыгожы курган.
На могілках у Налібаках збудавалі незвычайны аб'ект - гару Галгофу. Паводле Евангелляў, менавіта так называлася месца за сценамі Ерусаліма, дзе быў укрыжаваны Езус Хрыстос. Ініцыя...