_______________________________________
Алыстасаң, ай булутка жашынып,
Ашык отум, ал ан-сайын тутанып.
Ачылбаган өңдүү китеп мүнөзүң,
Айтылбаган сырдай Мага уланып.
_______________________________________
Күлкүң сенин, кулагымда жаңырып,
Күлсөм эстеп, кетем кайра тунарып.
Күрмөлөдүң арканы жок сезимди,
Күлкүң калды жүрөгүмдү сугарып.
_______________________________________
Эгиздердей тегиз басып буралып.
Ээрчишип биз жетелешип кубанып.
Эки күндөп көрүшпөсөк негедир,
Эсим чыкчу, санаам санга тууралып.
__________________________________________
Эми жүдөп, калдык мына кумсарып,
Эрибестен жүрөгүмдү, муз басып.
Эркин куштай чабалактап коно албай,
Ээси бактын, колдон чыгып учкансып.
____________