6 жніўня 2023 года Бібліятэкар Славаціцкай сельскай бібліятэкі-клуба разам з дзецьмі зрабілі этнападарожжа “У родных крынічках – гаючая вадзіца” да Зенькаўскай крыніцы, якая з’яўляецца гідралагічным помнікам прыроды мясцовага значэння. Валянціна Іванаўна расказала дзецям, што ваду з крыніцы мясцовыя жыхары завуць “памоцнай”, або “святой” і лічаць, што вада дапамагае ў лячэнні розных хвароб, асабліва пры захворванні вачэй. Каля крынічкі пабудавана невялікая каплічка, тут ўстаноўлены праваслаўны крыж, дзе святары праводзяць рэлігійныя абрады.