Непрыемнасць , ды якая.
Каранавірус наступае.
Радуйся, пакуль жывеш,
Не падчэпіш –не памрэш.
Каб пазбегнуць той “халеры”,
Дактары дыктуюць меры:
Насіць маскі, рукі мыць,
За харчамі лепш сачыць.
Раюць тыя, хто свядомы,
Ратавацца можна й дома.
Мед, кагор і арахі,
Яшчэ крыху курагі,
Чарнасліў, лімон – здрабніць
І штодзень з гарбатай піць.
І ўмацуеш, не сакрэт,
Свой слабы імунітэт.
Маня часу не губляла,
Хутка лекі згатавала.
Шчэ й настой з акопніку,
Што на моцным першаку.
Кажуць добра лечыць косці,
Надта ж ногі ломіць штосці.
Прыхавала б усе, вядома,
Калі б муж-алкаш быў дома.
З’ехаў ён , каб не збрахаць,
У Маскву грошы зарабляць.
А чаго сядзець без справы?
Хай працуе, мае права.
Раз прыйшла дадому з працы,
Бачыць Маня – муж у хаце.
З незнаёмым чалавекам,
Амаль знішчылі ўсе лекі.
Мажуць сродкам хлеба лусты,
У слоіку з настоем – пуста.
І лапочуць нешта сп’яну,
Шчыра дзякуючы Маню.
- Дзякуй, жонка. дагадзіла,
Смачна есці наварыла.
Пакуль дабіраліся ,
моцна згаладаліся.
- Дык атрута ж, бог ты мой,
Для націркі быў настой.
З-за гарэлкі, як вядома,
Апынуліся вы дома?
Гавары, як на духу,
І схапіла качаргу.
- Ды бог з ёй, Масквою тою,
Ійшлі адтуль мы пехатою…
“Гладка ,Ваня, баеш казкі
Меў бы лепш да працы ласку,
Як да чаркі шмат імпэту,
Не ўзняць імунітэту.
Ад кавіду многа скрухі,
Людзі мруць, бы тыя мухі.
Дзякуй богу, што жывеш,
Не ўратуешся – памрэш !
Будзе больш з цябе карысці,
Калі маскі будзеш шыці.
Ад гарэлкі адарвешся,
І ад вірусу спасешся”.
…
Ці мне верце, ці не верце,
Напужаўшыся да смерці,
Шые маскі, амаль год,
Забяспечвае народ.
Да гарэлкі ўжо ні-ні,
Бо за справаю ўсе дні.
кастрычнік 2020 Л.П.Вярэніч
Присоединяйтесь к ОК, чтобы посмотреть больше фото, видео и найти новых друзей.
Нет комментариев