21 сакавіка адбыўся бацькоўскі сход на тэму "Фарміраванне здаровага ладу жыцця, культуры бяспекі жыццядзейнасці вучняў". Выступленне Чыгрыной І.М., педагога сацыяльнага Слонімскага СПЦ, было вельмі змястоўным і цікавым. Ірына Мікалаеўна ў інтэрактыўнай форме дала інфармацыю аб праблемах сучаснай сям'і, аб недапушчэнні рознага віду гвалту ў адносінах да непаўналетніх. Затым Петручэня І.В., намеснік дырэктара па асноўнай дзейнасці, пазнаёміла бацькоў з вынікамі ІІІ чвэрці і з правіламі бяспечных паводзін вучняў у час вясновых канікул. Далей адбыліся класныя бацькоўскія сходы.
Святочная навагодняя праграма для школьнікаў у рамках акцыі "Нашы дзеці" адбылася 27 снежня. У госці да вучняў завіталі Дзед Мароз са Снягурачкай, Баба Яга, Снегавічкі. У навагодніх прыгодах дзеці ўдзельнічалі з радасцю, вадзілі карагоды, танцавалі, расказвалі вершы, атрымлівалі падарункі. У канцы свята Дзед Мароз і Снягурачка развіталіся са школьнікамі, пажадаўшы ім шмат радасці, моцнага здароўя і выдатных адзнак. Самыя лепшыя пажаданні ўсім у 2024 годзе!