ЖАВАРАНКАВЫ ПЕРАЗВОН Не кожны ведае, якіх птушак на Беларусі найбольш, дык скажу - жаваранкаў. Яны паўсюды: ідзеш лугам, а над табой льецца звон гэтых мала прыкметных птушачак, ідзеш полем ці ўзгоркамі - таксама. З ранняй вясны і да восені. Але апагеем жаўруковых спеваў з'яўляецца лета. Жаваранкі першымі вітаюць усход сонца, яны будзяць дзень. Днём жа бясконца ўздымаюцца на нябачную для вока вышыню, свідруюць неба і звіняць. Звіняць залівістымі званочкамі. І ў перазвоне гэтых нястомных віртуозаў, столькі замілаванасці, столькі красы, аздобленай пералівам розных таноў і адценняў! Вось пульнуў з-пад самых ног маленькі камячок, павіс у паветры і на нябачнай нітачцы пачаў узбірацца ў