Предыдущая публикация
Сæумæйыл куы ныззарынц цъиутæ,
Хъæриуыл куы андзæвы хур,
Уæд зæрдæйы сæвзæры рифмæ,
Фæсиды мæм : "Бæллицтæ дзур ! "
Зæрдæхъæлдзæг сабиты худтмæ
Тыбар - тыбур зæрдæ кæны !
Æмæ та мæм "рбадзуры рифмæ :
- Цæй, ницы зæгъын дæ фæнды?
Ирон лæппу хæсты быдырмæ
Нæ бæсты сæрвæлтау тындзы.
Кæсы мæм кæуындзастæй рифмæ,
Йæ цæссыг мæ риуыл тæдзы ...
Сæргълæуджытæ, паддзæхтæ, сихтæ,
Кæрæдзи æрæмбарут тагъд !
Кæннод уын мæ джебогъджын рифмæ
Ныссаддзæн уæ зæрдæты фат !
Бутаты Ритæ.
16. 12. 2023 аз.
Присоединяйтесь к ОК, чтобы посмотреть больше фото, видео и найти новых друзей.
Нет комментариев