З надыходзячым сьвятам Нараджэньня Пана! 24 сьнежня на змярканьне ў кожным каталіцкім доме распачынаецца вігілійная вячэра з накрытым сталом з постных страваў, адбываецца аплаткавая сустрэча, апоўначы ўсе вернікі ідуць у касьцёл. Памятная сцэна ў перыяд Божага Нараджэньня падрыхтаваныя ясьлі ў якіх ляжыць Дзіцятка Езус, над якім з пяшчотаю і любоўю схіляецца Яго Маці Марыя, сьвяты Апякун Юзаф, а побач стаяць на сене вол, вослік і ягняткі, крыху воддаль сьціпла апранутыя пастушкі.