🎶
Жыццё і побыт нашых продкаў непарыўна звязаны з умовамі надвор'я і прыродай. Вясна — час, калі ўсё прачынаецца пасля зімовай спячкі. Лічылася, што калі правільна паклікаць і сустрэць вясну, астатні год будзе шчаслівым і багатым на ўраджай. Такім чынам прырода аддзячыць людзям.
🗓️ Абрад «Гуканне вясны» нарадзіўся ў даўнюю паганскую пару. Звычайна адзначаецца ў Благавешчанне (7 красавіка), але ёсць і іншыя «мясцовыя» даты. Ён суправаджаецца песнямі-вяснянкамі, карагодамі і асаблівай рытуальнай ежай.
Словы ўсіх песень запрашалі вясну і птушак на пэўную тэрыторыю. Звалі вясну дзяўчаты. Яны збіраліся разам на якім-небудзь узвышаным месцы за сялом ці на высокім беразе ракі, слалі салому і, пасеўшы кружком, спявалі з поўдня да ночы.
З надыходам вечара запальвалі вогнішча і спявалі каля яго, водзячы карагод ці скачучы праз агонь. 🔥
🕊️ Вобраз птушкі (жаўрука, куліка) з'яўляецца сімвалам прыходу вясны. Таму на Гуканне вясны пяклі птушачак з цеста («чырачкі», «жаваронкі», «буські») і частавалі імі дзяцей і аднавяскоўцаў. Таксама рабілі хлеб — сакральную ежу на ўсе святы — і стравы з яек, якія сімвалізуюць стварэнне сусвету.
Сёння гэтая традыцыя ўжо не такая папулярная, але ў некаторых мястэчках Беларусі яшчэ можна заспець частку рытуалаў:
▫️ Абрад гукання вясны «Чырачка» ў мястэчку Тонеж (Лельчыцкі раён).
▫️ Юраўскі карагод (на Юр’я, 6 траўня) ў вёсцы Пагост (Жыткавіцкі раён).
▫️ Ваджэнне і пахаванне стралы (на Ушэсце, 13 чэрвеня) ў вёсках Стаўбун і Казацкія Балсуны.
Ведалі пра такі абрад славян? Калі вы калі-небудзь асабіста прымалі ўдзел у Гуканне вясны, падзяліцеся ўражаннямі ў каментарыях ці напішыце нам у дырэкт сваю гісторыю. Будзе вельмі цікава пачытаць!
Автор фото: Альфред Микус.
Присоединяйтесь к ОК, чтобы подписаться на группу и комментировать публикации.
Комментарии 2