21 траўня cуддзя Віцебскага абласнога суда Аляксандр Абашын асудзіў жыхара Віцебска Сяргея Высоцкага да трох з паловай гадоў пазбаўлення волі за "стварэнне экстрэмісцкага фармавання або ўдзел у ім". Разбор справы, распачатай па ч.3 арт.361-1 праходзіў у закрытым судовым пасяджэнні . https://tinyurl.com/2m82kauk
Лепельскія міліцыянты збіраюцца навесці грамадзкі парадак у сельскай мясцовасці. Сярод захадаў - "прафілактыка правапарушэнняў і прэвентыўнага ўздзеяння ў адносінах да працаздольных непрацуючых грамадзян, у тым ліку тых, хто знаходзяцца на ўліку ў АУС". Беспрацоўным абяцаюць дапамагчы з працаўладкаваннем, а яшчэ скіруюць асаблівую ўвагу на непрацуючым грамадзян, якія злоўжываюць спіртнымі напоямі, пры гэтым жывуць жывуць з састарэлымі грамадзянамі або выхоўваюць непаўналетніх дзяцей. https://tinyurl.com/y4mvshde
На мінулым тыдні з працоўным візітам Браслаўшчыну наведалі прадстаўнікі Камітэта дзяржаўнага кантролю. Да намесніка старшыні КДК звярнуліся ўсяго дзве заяўніцы . Адна з іх хацела разабрацца ў пытанні налічэння пенсіі і даплат да яе, другая скардзілася на тое, што ёй незаконна знялі страхавыя выплаты. https://tinyurl.com/2p9ye9a5
«За экстрэмізм» затрыманы Язэп Дулеба, колішні партыец Беларускага Народнага Фронту. Спачатку яго асудзілі на 15 сутак за падпіскі на так званыя экстрэмісцкія інфармацыйныя рэсурсы ў сацыяльных сетках, потым перавялі ў віцебскі СІЗА. https://tinyurl.com/8mx85wa7
Паводле афіцыйнай статыстыкі, з пачатку 2024 года эканамічныя паказчыкі Віцебскай вобласці растуць. Але не ўсё так адназначна. Назіраецца фатальная залежнасць роста рэгіянальнай эканомікі ад аднаго і адзінага суперінвестара - Расійскай федэрацыі. https://tinyurl.com/3wn5tdde