На Докшыччыне мілітарызуюць акцябрат і піянераў. Дзеці малодшага і сярэдняга школьнага ўзросту спаборнічаюць у манеўраванні і размініраванні. У райцэнтры прайшоў раённы этап рэспубліканскіх спартыўных ваенна-патрыятычных гульняў "Зарніца" і "Зарнічка". Акцябраты ўдзельнічалі ў такіх спаборніцтвах, як «Вылучэнне», «Манеўраванне», «Размініраванне», «Наступ»... https://tinyurl.com/ye28dsta
Удзельнікі назіральнай камісіі 19 красавіка наведалі дзве папраўчыя ўстановы адкрытага тыпу, размешчаныя ў Віцебску. У ВУАТ №9 адбываюць пакаранне 14 палітвязняў, у ВУАТ №10 ёсць як мінімум адзін зняволены па палітычных матывах. Скаргі ад зняволеных на ўмовы ўтрымання членамі камісіі не былі зафіксаваны. Праўда, удзельнікі камісіі не палічылі патрэбным без пасярэднікаў паразмаўляць з грамадзянамі, якія адбываюць пакаранні , тым больш з палітвязнямі. https://tinyurl.com/4nhrzkd9
У сярэдняй школе №9 г. Оршы пры падтрымцы ўпраўлення ўнутраных спраў Аршанскага райвыканкама стварылі клуб «Зубр" з "міліцэйскім ухілам" . У адкрыцці клуба узяў асабісты ўдзел міністр унутраных спраў Беларусі Іван Кубракоў. Яму таксама прадэманстравалі абноўлены будынак Аршанскага РУУС, на якім адкрылі мемарыяльную шыльду ў памяць пра былога начальніка райаддзела Сяргея Барвянкова – 49-гадовы міліцыянт раптоўна памёр на працоўным месцы сёлета 4 лютага. https://tinyurl.com/mrye7u98
У Лепелі ёсць "крызісны" прытулак для ахвяраў хатняга гвалту, але яго дзейнасць не вельмі запатрабаваная : у 2023 годзе паслуга часовага прытулку прадстаўлена 10 грамадзянам, якія пацярпелі ад хатняга гвалту, з іх 6 жанчын і 4 непаўналетніх. Самастойна звярнуліся па дапамогу 4 чалавекі, па накіраванні аддзела адукацыі - 3 чалавекі, з УАЗ "Лепельская ЦРБ" - 3 чалавекі. https://tinyurl.com/52hujan4
У Глыбокім хлопцам прызыўнога ўзросту напярэдадні вясенняга прызыву падарылі спецыяльныя каляндарыкі. Іх раздала галоўны ідэолаг горада Людміла Карніловіч. Спецыфіка "армейскага" каляндарыка ў тым, што ён разлічаны каляндарык, разлічаны на тэрмін (год і паўтара года) нясення службы. https://tinyurl.com/mwadr4ds