Թուրքական բազմահազարանոց զորքը և 12 հրանոթները գիշեր-ցերեկ տեղատարափ կրակ էին թափում հայկական դիրքերի վրա, մոտ 16 հազար արկ արձակվեց Վանի վրա, բայց թշնամին չկարողացավ կոտրել նրա հերոս պաշտպանների կամքը: Դիրքերը ձեռքից ձեռք էին անցնում, կատաղի գրոհները օրվա մեջ մի քանի անգամ իրար էին հաջորդում, բայց հայերը մնում էին անընկճելի, թուրքերը մեծ կորուստներ տալով նահանջում էին: Թուրքական բանակում գտնվող գերմանացի սպաներից մեկն ասել է. «Ես այսպիսի դիմադրություն չէի սպասում»։
Արիության և քաջության չտեսնված օրինակներ էին ցույց տալիս ոչ միայն տղամարդիկ, այլև կանայք ու երեխաները: