Халодныя супы з бацьвіння, буракоў ці шчаўя ў кухні нашых продкаў былі вельмі папулярныя ўлетку, калі актыўна пачынала расці зеляніна і гародніна. Такія супы першапачаткова былі сялянскай стравай, якую ўжывалі ў спёку. Халаднік абавязкова забельвалі смятанай, кіслым малаком ці прастаквашай. У асноўным гатавалі с агуркоў, радыскі, зялёнай цыбулі, кропу, яшчэ дадавалі буракі і яйка, каб страва была больш сытнай. Калі ж халаднік пачала актыўна ўжываць шляхта, то ў суп дадавалі кавалкі варанага ці печанага мяса, рыбу ці нават ракаў! А багацеі маглі сабе дазволіць і лёду туды дадаць, калі ў іх быў склеп-ляднік. Рэцэпт халадніка быў зафіксаваны ўпершыню ў 1854 г. у кулінарнай кнізе Вінцэнты Зав