Тоҷикистон
Ту бузургӣ
Гарчи дар паҳнои дунё
Ҷои ту куҳпояҳои танг буд
Тахту бахти ҷумла фарзандони
ту
Куҳ буду санг буд
Лек дар фазлу хирад
Бекарон буданд паҳноҳои ту
Ибтидои ибтидоиҳои тамаддун
Буд дар маъвои ту
Гуиё, ки дар ҷаҳон бори нахуст
Гарчи шаънатро наҷусти аз
дами шамшери тез
Лек осон сар надоди, сар ба
теғи золимон
Додани ҳар як ваҷаб тую ҳар
санги ту
Буд аз сад бор ҷон додан гарон
Оре, оре
Асрҳое гарчи андар хоки ту
Бар – бароне комрони
кардаанд
Лек фарзандони ту бо номи ту
Ҷонфишони кардаанд
Зери тиру теғ бо номи баланд
Зиндагони кардаанд
Тоҷикистони куҳистон
Тоҷикистони баланд
Ман чи хушрузам, ки
фарзанди ту ҳастам
Бо ту бо ному нишони
арҷманд
Лек медонам чи душвор аст бо
номи ту будан
Дар баҳои давлати номи ту
бурдан
Бояд аз дарде нанолидан
Бояд аз марге намурдан
Ҳамчу куҳистон бубояд дар
ҷаҳон манзур будан
Чун Бухорову Бадахшон
ҷовидон машҳур будан
Қатра – қатра ҳамчу Вахши
нурбахшат нур будан
Дур аз ту пораи ноне тавон
ёфт
Бе ками ту чанду чандоне
тавон ёфт
Лек бе ту кист мегуяд ки
имоне тавон ёфт
Ҳам ба шодӣ, ҳам ба ғамҳо
Ҳам ба виҷдон ҳам ба имон
Сахт пайванди ту ҳастам
Бо хушиву нохуши ман
бахтпайванди ту ҳастам