Предыдущая публикация
«Раунды достойной жизни» А.
И.Пахомов аатын үйэтитиигэ спектакль барыллаан көрүүтэ ыытылынна.
Бүгүн, муус устар 27 күнүгэр Саха республикатын күнүн көрсө Ньурбатааҕы драматическай театр сыанатыгар убаастыыр, киэн туттар биир дойдулаахпыт, олоҕун бүттүүн спорка анаабыт сүдү киһибит Артур Иннокентьевич Пахомов 70 сааһыгар аналлаах, кини аатын үйэтитиигэ "Раунды достойной жизни" спектакль барыллаан көрүүтэ ыытылынна.
Спектакль туруорааччы режиссера - Алгыс Макаров-Сиэн Мөрөс, сценарист - Нюргуяна Матвеева.
Сүрүн оруолу Артур Иннокентьевич оруолун Антоновкаттан төрүттээх, Артур Иннокентьевич иитиллээччитэ, Ньурбатааҕы драмтеатр артыыһа Артур Евсеев толордо.
Барыллаан көрдөрүүгэ улуус салалтата, А.И.Пахомов бииргэ төрөөбүттэрэ Тимур Иннокентьевич, Изамира Иннокентьевна, аймахтара, доҕотторо, спорт бэтэрээннэрэ, култуура,театр, физическэй култуура үлэһиттэрэ кыттыыны ыллылар.
Спорт эйгэтигэр Ньурбабыт театрыгар бу спектакль маҥнайгы туруоруу буолан ыарахаттардааҕын, ол да буоллар өссө да салҕыы чочуллан үлэ ыытыллан көрөөччү иннигэр балаҕан ыйыгар тахсарын иһитиннэрдилэр.
«Бу туруоруллубут үлэ Ньурбабыт улууһугар ыытыллар Саха республикатын Норуоттарын оонньуутугар 2027 сылга спортсменнарга биир улахан бэлэх буолуо» - диэн Ньурбатааҕы драматическай театр салайааччыта Николай Никитин санаатын эттэ.
Онон, балаҕан ыйыгар Ньурбабыт улууһун дьоно-сэргэтэ биир дириҥ суолталаах, үгүс биллиилээх дьоммут прототиптардаах спектакль премьератын долгуйа күүтэбит.
✍🏻Ньурбатааҕы спорт управление пресс-киинэ.
Следующая публикация
Нет комментариев