Се Жени́х гряде́т в полу́нощи,/ и блаже́н раб, Его́же обря́щет бдя́ща,/ недосто́ин же па́ки, Его́же обря́щет уныва́юща./ Блюди́ у́бо, душе́ моя́,/ не сно́м отяготи́ся,/ да не сме́рти пре́дана бу́деши,/ и Ца́рствия вне затвори́шися,/ но воспряни́ зову́щи:/ Свят, Свят, Свят еси́, Бо́же,\ Богоро́дицею поми́луй нас.
Душе́ моя́, душе́ моя́, воста́ни, что спи́ши; / коне́ц приближа́ется, и и́маши смути́тися: / воспряни́ у́бо, да пощади́т тя Христо́с Бог, / везде́ сый, и вся исполня́яй.