На прававым форуме апублікаваны праект новага выбарчага кодэкса. Заканадаўцы сярод іншага прапануюць не ствараць участкі для галасавання за мяжой і забараніць выбаршчыкам здымку бюлетэняў.
Галасаваць могуць змешчаныя пад вартуУ дзейснай рэдакцыі Выбарчага кодэкса тыя, хто змешчаны пад вартай, не могуць прымаць удзел у галасаванні. У законапраекце пра гэта гаворкі не ідзе – згодна з артыкулам 4, забарона дзейнічае толькі для недзеяздольных і тых, хто адбывае пакаранне ў месцах пазбаўлення волі.
За мяжой не будзе выбарчых участкаўЗ дзейснага кодэкса прапануюць выключыць частку 2 артыкула 18, якая рэгламентуе стварэнне выбарчых участкаў у пасольствах і консульствах Беларусі.
Новыя патрабаванні да кандыдата ў прэзідэнтыЗгодна з новым законапраектам, прэзідэнтам можа быць грамадзянін Беларусі па нараджэнні не маладзейшы за 40 гадоў, які пастаянна пражывае ў Беларусі не менш за 20 гадоў перад выбарамі, які не мае і не меў грамадзянства, віду на жыхарства ці іншага дакументу іншай краіны, які дае права на льготы.
Законапраект устанаўлівае, што адзін і той жа чалавек не можа быць прэзідэнтам больш за два тэрміны. Гэтая частка закона, у выпадку яго прыняцця, уступіць у сілу з дня ўступлення на пасаду зноў абранага прэзідэнта, у той час як астатнія палажэнні закона – праз 10 дзён пасля яго апублікавання.
Па дзейснай рэдакцыі прэзідэнтам можа быць беларус па нараджэнні, не маладзейшы за 35 гадоў, які валодае выбарчым правам і пастаянна пражывае ў Беларусі не менш за дзесяць гадоў перад выбарамі.
Абранне дэлегатаў ВНС ад мясцовых Саветаў дэпутатаў і грамадзянскай супольнасціДэлегатаў ВНС ад мясцовых Саветаў дэпутатаў абіраюць абласныя саветы, яны ж праводзяць пасяджэнне па выбарах.
Вышэйшыя органы «суб'ектаў грамадзянскай супольнасці» абіраюць дэлегатаў у ВНС з ліку сваіх членаў. Якія арганізацыі адносяць да такіх субʼектаў, у дакуменце не пазначана – вядома толькі, што іх спіс складае і публікуе Мінюст. Пасяджэнне па выбарах дэлегатаў праводзіць вышэйшы орган субʼекта грамадзянскай супольнасці.
У абодвух выпадках вынікі пасяджэнняў адпраўляюць у ЦВК, які альбо рэгіструе дэлегатаў, альбо прызнае выбары несапраўднымі.
Бюлетэнь нельга здымаць і псавацьПраект закона забараняе выносіць бюлетэнь за межы памяшкання для галасавання, а таксама здымаць яго на фота і відэа. Паўторна выдаваць бюлетэнь замест сапсаванага таксама нельга.
Прызнанне выбараў неканстытуцыйнымі або нелегітымныміПрэзідыум УНС можа звярнуцца ў Канстытуцыйны суд з прапановай даць заключэнне аб канстытуцыйнасці правядзення выбараў ці да УНС – з прапановай разгледзець пытанне аб легітымнасці выбараў. Уступленне прэзідэнта на пасаду прыпыняецца на час разгляду прапановы.
З артыкула 82 аб выніках выбараў у Палату прадстаўнікоў заканадаўцы прапануюць выключыць абзац, які вызначае, у якім выпадку выбары прызнаюцца тымі, што адбыліся.
У артыкул 155 прапануюць унесці вызначэнне «прадстаўніка СМІ» – гэтага няма ў дзейснай версіі Выбарчага кодэкса. Згодна з законапраектам, гэта «журналіст СМІ», прадстаўнік юрыдычнай асобы з функцыямі рэдакцыі СМІ або акрэдытаваны ў Беларусі журналіст замежнага медыя.
Аўтар: Вікторыя Воўк паводле «Медыязоны»
Гомельская вясна
Нет комментариев