Сустрэлася нядаўна ў тысячны раз з Рэгінай Антонаўнай, даведалася яшчэ крышку пра яе жыццё-быццё.
Рэгіна Антонаўна нарадзілася 9 жніўня 1935 года ў в. Вялешына. Калі верыць карце Беларусі і “Тапанімічнаму слоўніку” Жучкевіча Вадзіма Андрэевіча, назва вёскі сустракаецца толькі ў Копыльскім раёне, што і пацвярджае мая дарагая суразмоўца. Бацька Рэгіны Антонаўны – Антон Іосіфавіч – быў пэўны час брыгадзірам. Каб не вайна з фінамі, а потым другая сусветная, гадаваліся б Рэня з сястрой Аляксандрай у поўнай сям’і. У год 1939, калі нарадзілася сястрычка, Антона Іосіфавіча забралі, як казалі вялешынцы, на вайну. Там, на тых двух войнах і застаўся дарагі татачка. А маме, Ніне Мікалаеўне, як многім у