З самага ранку механізатары пераглядалі вузлы і агрэгаты ў сваёй тэхніцы, бо надвор’е яшчэ не дазваляла вывесці яе на палеткі. Толькі ў другой палове дня энерганасычаныя трактары з глебапрацоўчымі агрэгатамі рушылі з механічных майстэрань. Услед за імі накіраваліся і мы на сваёй рэдакцыйнай Ніве. Перад механізатарамі Алегам Бабчонкам і Паўлам Пяткевічам галоўны аграном гаспадаркі Віктар Атрашкевіч паставіў задачу правесці культывацыю на 60-гектарным полі ва ўрочышчы Бор, на мяжы з Браслаўскім раёнам. Надвор’е вельмі зменлівае, цёплыя і пагодныя дні чаргуюцца з моцнымі дажджамі і холадам, — кажа галоўны тэхнолаг палёў. — Тут вельмі важна скарыстоўваць кожную хвіліну і накіроўваць тэхнік