Мен хақимда ғийбатлар қанча.
Ва бўлгуси ғийбатлар анча.
Мен уларни ғийбатин қилмай.
Яшаяпман қўлдан келганча.
Кимга дўстман, кимларга ёв, ёт.
Ишонганим Аллох, олий зот.
Бир толибман устозим хаёт.
Яшаяпман қўлдан келганча.
Қад керганга қаддимни кериб.
Қўл тутганга қўш қўлим бериб.
Аллох сочган рисқимни териб.
Яшаяпман қўлдан келганча.
Кимдан олдин,кимнинг кетида.
Бир қишлоқнинг битта четида.
Кўкнинг ости,ернинг бетида .
Яшаяпман қўлдан келганча .
Гоҳ енгилиб гоҳида ғолиб.
Гоҳ қувончда, гоҳ ғамда қолиб.
Ёлғон дунё дарсларин олиб.
Яшаяпман қўлдан келганча.
Жасадимга мехмон экан жон.
Керак эмас мансаб, обрў, шон.
Дўстим иймон, улфатим виждон.
Яшаяпман қўлдан келганча.
Бир ғуломман қалами бори.
Ашъорида кўнгилнинг зори.
Хамма ичра хамма қатори.
Яшаяпман қўлдан келганча.
Мен хақимда миш-мишлар қанча.
Ва бўлажак миш-мишлар анча.
Мен уларнинг миш-мишин қилмай.
Яшаяпман қўлдан келганча.
Присоединяйтесь к ОК, чтобы посмотреть больше фото, видео и найти новых друзей.
Комментарии 1