Վերջին օրերի ձնաբուքը Նինոծմինդայի շրջանում առաջացրեց մի շարք խնդիրներ։ Ամենուր փակ էին ճանապարհները, ընդհատումներով էր աշխատում էներգոհամակարգը, սակայն ամենաահավոր իրավիճակում հայտնվել էր Նինոծմինդայի շրջանի հեռավոր Փարվանա գյուղը։ Կենտրոնական մայրուղուց մինչև գյուղ ճանապարհը կատվածահար վիճակում էր։ Ձյան շերտը հասնում էր երեք մետրի, իսկ տեսանելիության անկումը և բուքը թույլ չէին տվել վարորդներին շարունակելու ճանապարհը։ Նրանք ստիպված մեքենաները թողնելով ճանապարհին փորձել էին ոտքով հասնել գյուղ։ Մեր ունեցած տվյալներով ճանապարհի մաքրման աշխատանքները արդեն իրականացվում են, իսկ երբ կլինի ազատ երթևեկություն մենք դեռ կանդրադառնանք։