ЗАРАПАД ІМГНЕННЯЎ... Учора бліскала, грымела І ляскатаў па шыбах дождж. Маланкай лета праляцела, Але пагрэла нас усё ж. Шмат успамінаў за плячыма, Непрадказальных і дзівосных: І ночы з зорнымі вачыма, Світанкі ў завушніцах росных. Вясёлак крылы летуценных, Праменняў сонечных парад, Маланак позіркаў імгненных, Жыццёвых будняў зарапад. Учора бліскала, грымела, А сёння падаюць лісты. Маланкай лета праляцела, Спаліўшы за сабой масты... 03.06 - 2024 г.